స్పేస్క్రాఫ్ట్లో సాంకేతిక లోపమే కారణం
ఐఎస్ఎస్లోనే భారత సంతతి ఆస్ట్రోనాట్
న్యూయార్క్:స్పేస్క్రాఫ్ట్లో సాంకేతిక లోపంతో భారత సంతతి ఆస్ట్రోనాట్ సునీతా విలియమ్స్ తిరుగుప్రయాణం వాయిదాపడింది. అంతర్జాతీయ అంతరిక్ష కేంద్రం(ఐఎస్ఎస్) నుంచి తిరిగి వచ్చే తేదీని ఇంకా అమెరికా అంతరిక్ష పరిశోధన సంస్థ(నాసా) ప్రకటించలేదు. దీంతో ఆమె మరికొద్దిరోజులు ఐఎస్ఎస్లోనే ఉండనున్నారు.
వ్యోమగామి బుచ్విల్మోర్తో కలిసి బోయింగ్ స్టార్లైనర్ స్పేస్క్రాఫ్ట్లో ఆమె ఈ నెల 5న ఐఎస్ఎస్కు చేరుకున్నారు. అప్పుడు కూడా సాంకేతిక సమస్యల కారణంగా ఈ పర్యటన పలుమార్లు వాయిదాపడిన తర్వాత విలియమ్స్ ఎట్టకేలకు అంతర్జాతీయ అంతరిక్ష కేంద్రంలో అడుగుపెట్టారు. 10 రోజుల మిషన్లో భాగంగా వీరు ఈ యాత్ర చేపట్టారు. ఈ నెల 14న వీరిద్దరూ భూమిపైకి రావాల్సి ఉండగా, స్పేస్క్రాఫ్ట్లో హీలియం లీకేజీ కారణంగా ప్రయాణంఈ నెల 26కు ఇది వాయిదా పడింది.
తాజాగా వ్యోమనౌకలో సాంకేతిక లోపం తలెత్తడంతో మరోసారి పోస్ట్పోన్ అయింది. నాసా కొత్త తేదీలు ప్రకటించేవరకూ సునీతా విలియమ్స్తోపాటు బుచ్విల్ మోర్ ఐఎస్ఎస్లోనే ఉండనున్నారు. మిషన్ను పరిశీలిస్తున్నామని, అన్నీ అనుకూలిస్తే వచ్చే నెల 2న భూమిపై వారు ల్యాండ్ అవ్వొచ్చని నాసా అంచనా వేసింది. ఐఎస్ఎస్లో ఉన్న మరో ఏడుగురు వ్యోమగాములతోపాటు విలియమ్స్, బుచ్విల్ సురక్షితంగానే ఉన్నట్టు నాసా వెల్లడించింది.
